თბილისის საკრებულოს ინიციატივით და სპორტის, ტურიზმის და ახალგაზრდობის საერთაშორისო ფონდის თანადგომით, დღეს ცნობილი ხელბურთელის, ჯემალ ცერცვაძის, მემორიალური დაფაგაიხსნა. ჯემალ ცერცვაძის მემორიალური დაფა სპორტსმენის საცხოვრებელი სახლის ფასადზე,კეკელიძის 25 ნომერში, თბილისის საკრებულოს თავმჯდომარემ, გიორგი ტყემალაძემ და საკრებულოს განათლებისა და კულტურის კომისიის თავმჯდომარემ, კახაბერ ლაბუჩიძემ, გახსნეს.
როგორც თბილისის საკრებულოს თავმჯდომარემ, გიორგი ტყემალაძემ, განაცხადა, ძალიან მნიშვნელოვანია იმ სპორტსმენების დაფასება, რომლებმაც ქართული სპორტის განვითარებაში დიდი წვლილი შეიტანეს. გიორგი ტყემალაძის თქმით, ჯემალ ცერცვაძე არის ლეგენდა, რომელმაც ქართულ ხელბურთში ისტორია დაწერა.
„ჩვენთვის ძალიან დიდი პატივია, რომ დღეს ლეგენდარული ქართველი ხელბურთელის, ჯემალ ცერცვაძის, მემორიალური დაფა გავხსენით. ამით ჩვენ კიდევ ერთხელ დავადასტურეთ მის მიმართ დიდი პატივისცემა და ლეგენდარული სპორტსმენის სახელის უკვდავსაყოფად კიდევ ერთი ნაბიჯი გადავდგით“, - განაცხადა გიორგი ტყემალაძემ.
ჯემალ ცერცვაძის მიღწევებზე თბილისის საკრებულოს განათლებისა და კულტურის კომისიის თავმჯდომარემ, კახაბერ ლაბუჩიძემაც, ისაუბრა. მან აღნიშნა, რომ მემორიალური დაფის გახსნაზე განაცხადით საკრებულოს ხელბურთის ფედერაციამ მიმართა, რასაც განათლებისა და კულტურისკომისიამ მხარი სრულად დაუჭირა და საორგანიზაციო საკითხებში აქტიურად ჩაერთო.
„ჩვენი კომისიისთვის ძალიან მნიშვნელოვანი და საპასუხისმგებლო იყო ჯემალ ცერცვაძისმემორიალური დაფის გახსნის საკითხი. ჯემალ ცერცვაძე მსოფლიო დონის სპორტსმენი იყო, რომელმაც ხელბურთში მთელი ეპოქა შექმნა და ჩვენთვის ძალიან საამაყოა მისი მემორიალური დაფის გახსნაში აქტიური მონაწილეობის მიღება“, - განაცხადა კახაბერ ლაბუჩიძემ.
ფენომენალური ტექნიკის მქონე ქართველი ხელბურთელი ჯემალ ცერცვაძე 1968 წელს მსოფლიოფესტივალის ჩემპიონი გახდა. იგი მონაწილეობდა სამ მსოფლიო ჩემპიონატში და სამჯერ იყოშეყვანილი მსოფლიოს ნაკრებში. ჯემალ ცერცვაძეს დიდი წვლილი მიუძღვის საქართველოშიხელბურთის განვითარების საქმეში. მანვე მსოფლიოში პირველი ოლიმპიური რეზერვისხელბურთელთა უნიკალური სკოლა დააარსა, რომელიც დღეს მის სახელს ატარებს.
ლეგენდარული ხელბურთელის მემორიალური დაფის გახსნის ღონისძიებას თბილისის საკრებულოს წევრები, ხელბურთის ფედერაციის წარმომადგენლები და ჯემალ ცერცვაძის ოჯახის წევრები ესწრებოდნენ.
უახლესი
